US Open: Анна Данилина аралас сында камбэкпен ширек финалға шықты
![US Open: Анна Данилина аралас сында камбэкпен ширек финалға шықты](https://prosports.kz/upload/news/content//202409/201131_89b84e5c5306c6b2f8e6ad9c759b1c98.webp?v=28754660)
Қазақстандық теннисші Анна Данилина аралас сында АҚШ ашық чемпионатының ширек финалына өтті.
А.Данилина финляндиялық Харри Хелиоваарамен бірге екінші айналымда испаниялық Кристина Буча – бельгиялық Йоран Флигеннің мысын басты.
Бірінші партияда испаниялық-бельгиялық жұп сәтті ойнады – 6:4.
Есесіне екіншісінде Данилина – Хелиоваара есе қайырды – 6:3.
Супер тай-брейкте қазақстандық-финляндиялық дуэт матчты жеңіспен түйіндеді – 10:8. 1 сағат 23 минутқа созылған бәсеке барысында екеуі 3 эйспен бірге 5 брейк-пойнттың екеуін мүлт жіберген жоқ. Испаниялық-бельгиялық жұп та 3 эйс, 2 брейкпен көзге түсті.
Анна Данилина – Харри Хелиоваара жартылай финалға шығу үшін америкалықтар Тэйлор Таунсенд – Дональд Янгпен таласады.
Өткен жылы Данилина – Хелиоваара осы жарыста жеңімпаз атанған болатын.