US Open: Анна Данилина жұптық сында 1/8 финалға жолдама алды
![US Open: Анна Данилина жұптық сында 1/8 финалға жолдама алды](https://prosports.kz/upload/news/content//202409/203991_a3cd8a3ef176099f3a5687857318d0ae.jpg?v=28753285)
Қазақстанның жұптық сындағы бірінші, әлемнің 48-ракеткасы Анна Данилина АҚШ ашық чемпионатының үшінші айналымына шықты.
Қазақстандық теннисші ресейлік Ирина Хромачевамен бірге екінші айналымда жарыстың 4-ракеткалары, америкалықтар Кэролайн Доулхайд – Дезире Кравчикті жолдан ығыстырды.
Америкалық жұп фаворит саналғанымен, қазақстандық-ресейлік дуэт ойын тізгінін қолына ала білді – 6:3, 6:4. Бір сағат 27 минутқа созылған матчта екеуі 2 эйспен бірге 11 брейк-пойнттың бесеуін пайдаланды. Доулхайд – Кравчик 3 эйс, 2 брейкпен шектелді.
Анна Данилина – Ирина Хромачева ширек финалға шығу үшін ұлыбританиялық Оливия Николс – словакиялық Тереза Михаликовамен шеберлік таластырады.