US Open: Путинцева әлемнің 5-ракеткасына жол берді
![US Open: Путинцева әлемнің 5-ракеткасына жол берді](https://prosports.kz/upload/news/content//202408/201131_69385783970d4ce1da7b9910a9dc3dcb.webp?v=28752857)
Қазақстанның екінші, әлемнің 32-ракеткасы Юлия Путинцева АҚШ ашық чемпионатының төртінші айналымынан тыс қалды.
Қазақстандық теннисші үшінші айналымда әлемнің 5-ракеткасы, италиялық Ясмин Паолинимен таласып көрді.
Осыған дейін қарсыластар 2021 жылы Порторож (Словения) WTA 250 жарысының жартылай финалында кездесіп, онда италиялық спортшы 1:6, 6:3, 6:2 есебімен ұтқан еді.
Бірінші партияда Паолини брейкпен 3:0 есебімен алға кетті. Путинцева есепті қысқартқанымен, қарсыласының қайта брейк жасауына мүмкіндік беріп қойды – 2:4. Содан кейін тағы брейк алмасқанымен, жағдай өзгерген жоқ – 3:6.
Екінші сетте италиялық теннисші матчты жеңіспен түйіндеді – 6:4.
Бір сағат 36 минутқа созылған бәсеке барысында Путинцева 2 эйс, 2 брейктен (9 брейк-пойнт) аса алмады. Паолини 1 эйс жасап, 6 брейк-пойнттың төртеуін мүлт жіберген жоқ.
Осылайша, АҚШ ашық чемпионатында Қазақстаннан жұптық және аралас сында өнер көрсететін Анна Данилина ғана қалды.