Қазақстандық боксшы АҚШ-тағы жекпе-жекте қарсыласын нокаутқа түсірді
![Қазақстандық боксшы АҚШ-тағы жекпе-жекте қарсыласын нокаутқа түсірді](https://prosports.kz/upload/news/content//202408/201736_ff12de93a0a6500d22f7bc6cf269c524.webp?v=28739597)
Бүгін, 22 тамызда аса ауыр салмақтағы қазақстандық боксшы Иван Дычко (14-0, 13 КО) америкалық Крейг Льюисті (15-8-1, 8 КО) нокаутқа түсірді, деп хабарлайды Prosports.kz.
Жекпе-жек ProBox-тың кезекті шоуы аясында Плант-Ситиде (АҚШ) өтті және сегіз раундқа жоспарланған болатын. Қазақстандық екінші раундта қарсыласын техникалық нокаутпен жеңді.
Айта кетейік, Дычко кейінгі жекпе-жегін маусым айында Буэнос-Айресте (Аргентина) өткізіп, жергілікті боксшы Ариэль Бракамонтені (13-11, 7 КО) екінші раундта нокаутқа түсіріп, WBA Fedecaribe тұжырымы бойынша аса ауыр салмақтағы титулды жеңіп алған болатын.