Майк Тайсон шаршы алаңға оралады: жекпе-жек уақыты мен өтетін орны белгілі болды
![Майк Тайсон шаршы алаңға оралады: жекпе-жек уақыты мен өтетін орны белгілі болды](https://prosports.kz/upload/news/content//202408/472_cf09068e93263c4a35a65e1c608ecce3.webp?v=28739718)
58 жастағы боксшы Майк Тайсон күзде танымал блогер Джейк Полмен жекпе-жекке шығады, деп хабарлайды Prosports.kz тілшісі Nur.kz сайтына сілтеме жасап.
MVP промоутерлік компаниясының мәліметінше, жекпе-жек 15 қарашада Техаста 80 мың адамға арналған «AT&T Stadium» стадионында өтеді.
19 тамызда Нью-Йоркте Тайсон мен Пол көз түйістірген болатын. Көз түйістіру барысында екеуі бірін-бірі итеріп жіберді.
Айта кетейік, Майк Тайсон мен Джейк Пол арасындағы кездесу 21 шілдеге жоспарланған еді. Алайда Майк Тайсон ұшақта өзін нашар сезініп, жекпе-жек кейінге шегерілді.
Майк Тайсон кәсіби мансабын 2005 жылы аяқтады және содан бері тек екі мәрте коммерциялық жекпе-жекте өнер көрсетті. Соңғы мәрте ол 2020 жылы аты аңызға айналған боксшы Рой Джонспен кездесу өткізіп, жекпе-жек тең нәтижемен аяқталды.