US Open турнирінің іріктеу сынына қатысатын қазақстандықтар анықталды
![US Open турнирінің іріктеу сынына қатысатын қазақстандықтар анықталды](https://prosports.kz/upload/news/content//202408/201131_de46cdb6e11f32a04ee0236de3350df9.jpg?v=28740320)
Нью-Йоркте теннистен АҚШ ашық чемпионатының іріктеу турнирі басталмақ, деп жазады Olympic.kz.
Ерлер арасында іріктеу сайысында Қазақстаннан 5 теннисші бақ сынайды. Әлемнің 121-ракеткасы, 36 жастағы Михаил Кукушкин іріктеу сайыстарының ширек финалында дүниежүзілік рейтингіде 142-орында тұрған аргентиналық Марко Трунгеллитимен кездеседі.
Әлемнің 184-ракеткасы Денис Евсеев рейтингіде 215-сатыдағы эквадорлық Альваро Гильен Месамен ойнайды.
Рейтингіде 187-орындағы Дмитрий Попко әлемнің 96-ракеткасы, тағы бір аргентиналық Тьяго Агустин Тирантеден өтуге тырысып көреді.
Тимофей Скатовтың (№192) да қарсыласы аргентиналық Факундо Багнис (№129).
Бейбіт Жұқаев (№218) швейцариялық Марк-Андреа Хюслермен (№205) шеберлік байқасады.
Әйелдер арасында рейтингіде 580-орындағы Зарина Дияс қытайлық, әлемнің 209-ракеткасы Есинь Мамен кездеседі.