Анна Данилина Мексикада іріктеу турнирін сәтті бастады
![Анна Данилина Мексикада іріктеу турнирін сәтті бастады](https://prosports.kz/upload/news/content//202408/201131_9e27eb142c34d4d7c96b7369469c36ff.jpg?v=28740313)
Қазақстандық теннисші Анна Данилина жекелей сында Монтеррей (Мексика) WTA 500 турнирінің іріктеу сайысын жеңіспен бастады.
Дүниежүзілік рейтингіде 951-орында тұрған А.Данилина алғашқы кездесуін әлемнің 634-ракеткасы, норвегиялық Ульрикке Эйкеримен өткізді.
Қазақстандық теннисші 6:3, 7:6 (7:3) есебімен жеңіске жетті.
Сағат жарымнан астам уақытқа созылған кездесуде Анна 13 эйс жасап, 5 брейк-пойнттың екеуін пайдаланды. Эйкери 1 эйс, 1 брейктен (5 брейк-пойнт) аса алмады.
Анна Данилина іріктеу сайыстарының финалында әлемнің 278-ракеткасы, Израиль өкілі Лина Глушкомен шеберлік таластырады. Оны ұтқан жағдайда негізгі жарысқа жолдама алады.
Монтеррей додасы 19-24 тамыз аралығында өтеді деп жоспарланған.