Самбошылар әлем кубогын 8 медальмен бастады
![Самбошылар әлем кубогын 8 медальмен бастады](https://prosports.kz/upload/news/content//202408/201131_30b38b62ceacd9a042d4795e39f442fd.jpg?v=28739485)
Қырғызстанның Шолпан-ата қаласында самбодан Әлем Кубогы басталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Жарыстың алғашқы күні спортшылар 12 салмақта жүлдеге таласты. Қазақстан командасының самбошылары 1 күміс, 7 қола жүлде жеңіп алды. Олар:
Күміс жүлдегер – Серікбай Нығмет (спорттық самбо, 71 кг);
Қола жүлдегерлер – Маржан Бизақ (59 кг), Айнұр Төребай (59 кг), Асылжан Орынбасарова (65 кг), Аружан Сатова (65 кг), жауынгерлік самбо – Маратбек Рахметоллин (64 кг), Бақытжан Дүйсембеков (79 кг), Қанағат Мағмұр (98 кг):
Енді 2-жарыс күні қалған 14 салмақтың жүлдегерлері белгілі болады.