Али Ахмедов IBF чемпиондық жекпе-жегін өткізеді
![Али Ахмедов IBF чемпиондық жекпе-жегін өткізеді](https://prosports.kz/upload/news/content//202408/472_a49685d6540358a07122b2e14f5394ac.webp?v=28738339)
Қазақстандық боксшы Али Ахмедов (21-1, 16 КО) келесі жекпе-жегін 20 қыркүйекте Дублинде (Ирландия) өткізеді, деп хабарлайды Prosports.kz тілшісі Sport Plus Qazaqstan сайтына сілтеме жасап.
Оның қарсыласы француз Пьер Юбер Дибомб (22-1-1, 12 КО) болады. Бұл жекпе-жекте IBF International титулы екінші орта салмақтағы чемпиондық белбеу сарапқа салынады. Али үшін бұл 2024 жылғы үшінші жекпе-жек болмақ.
Ахмедовтың соңғы жекпе-жегі 23 мамырда Детройтта (АҚШ) өтіп, онда ол костарикалық Энкарнасьон Диасты екінші раундта нокаутпен жеңген болатын.