Франциялық жартылай қорғаушы «Астанадан» кетті

«Астана» франциялық жартылай қорғаушы Фабьен Уреганың кеткенін ресми жариялады, деп хабарлайды Prosports.kz.

«Франциялық жартылай қорғаушы Фабьен Урега тараптардың келісімі бойынша «Астана» футбол клубынан кетеді.

Урега «Астана» сапында 50 матч өткізіп, 1 гол соғып, 8 нәтижелі пас берді.

Фабьенге клубтың жетістіктеріне қосқан баға жетпес үлесі үшін шын жүректен алғыс айтамыз және алдағы уақытта сәттілік тілейміз!» делінген хабарламада.