Тарихта ең көп жүлде алған балуан Олимпиададағы жеңісінен кейін мансабын аяқтады

Грек-рим күресінен бес дүркін Олимпиада чемпионы Михайн Лопес Нуньес Париждегі ойындарда жеңіске жеткен соң спорттан кетті, деп хабарлайды Prosports.kz.

Сейсенбі күні 41 жастағы спортшы 130 келіге дейінгі салмақта финалда чилилік Ясмани Акоста Фернандесті 6:0 есебімен жеңді.

Матч аяқталғаннан кейін Лопес күреске арналған аяқ киімін шешіп, оны төсеніштің ортасына қалдырды, осылайша спортты аяқтайтынын жариялады.

Лопес сонымен қатар бес дүркін әлем чемпионы (2005, 2007, 2009, 2010, 2014) және Панамерикалық ойындардың бес дүркін чемпионы (2003, 2007, 2011, 2015, 2019). Ол тарихтағы ең марапатталған балуан.