Төбелес кезінде зардап шеккен боксшыға төрт сағат ота жасалды

Қырымдағы жаппай төбелес кезінде жарақат алған ресейлік 23 жастағы боксшы Дмитрий Двалидің көзіне ауыр ота жасалды, деп хабарлайды Prosports.kz.

Операция шамамен төрт сағатқа созылды. Операция Мәскеудің Краснов атындағы көз аурулары ғылыми-зерттеу институтында өтті, шығындарды клиника көтерді.

Қазіргі уақытта жас жігіт дәрігерлердің бақылауында. Жақында оны қарапайым палатаға ауыстыру керек.

Төбелес шілде айының соңында болған. Тергеушілер адам өлтіруге оқталу бабы бойынша қылмыстық іс қозғады. Шабуыл жасаған тоғыз адам ұсталып, қамауға алынды. Олардың барлығы 21 мен 31 жас аралығындағы жергілікті тұрғындар болып шықты. Белгілі болғандай, олардың үшеуі жергілікті клубта күзетші болып жұмыс істеген, қалғандары жұмысшылар.