Назым Қызайбай қытайлық боксшымен кездеседі
![Назым Қызайбай қытайлық боксшымен кездеседі](https://prosports.kz/upload/news/content//202408/201736_58a9c37a3ef4023871e726336991b2c3.png?v=28715904)
Бүгін түнде Парижде (Франция) өтіп жатқан Олимпиада ойындарында қазақ боксшысы Назым Қызайбай жартылай финалдық кездесуін өткізеді, деп хабарлайды Prosports.kz.
Жартылай финалда 50 келіге дейінгі салмақта Қызайбай қытайлық У Юмен кездеседі.
Жекпе-жек тікелей эфирде Астана уақытымен 01:00-де басталады, оны Qazaqstan телеарнасынан көруге болады.
Назым Қызайбай Олимпиаданың ширек финалында колумбиялық боксшы Ингрита Валенсияны (4:1) жеңген болатын.
Айта кетейік, Қызайбай екі дүркін әлем чемпионы (2014, 2016), ал У Ю қазіргі әлем чемпионы және 2022 жылғы Азия ойындарының чемпионы.