«Астана» мен «Ордабасының» плей-офф кезеңіндегі қарсыластары белгілі болды

Бүгін Ньон қаласында (Швейцария) Конференция лигасы плей-офф кезеңінің жеребе тарту рәсімі өтті, деп хабарлайды Prosports.kz.

«Астана» үшінші іріктеу кезеңінде румыниялық «Корвинулды» жеңсе, плей-офф кезеңінде «Сент-Миррен» (Шотландия) – «Бранн» (Норвегия) жұбының жеңімпазымен ойнайды.

«Ордабасы» Конференция лигасының үшінші іріктеу кезеңінде армениялық «Пюникті» жеңсе, «Целе» (Словения) – «Шэмрок Роверс» (Ирландия) жұбының жеңімпазымен кездеседі.

Айта кетейік, «Астана» мен «Ордабасы» үшінші турдың алғашқы матчтарын 8 тамызда өткізеді.