Олимпиадада ауғанстандық спортшы допингпен ұсталды

Ауғанстандық дзюдошы Мохаммад Самим Файзад Парижде өтіп жатқан Олимпиада ойындарында допингке қарсы ережені бұзды, деп хабарлайды Sport Plus Qazaqstan.

Халықаралық тестілеу агенттігінің (ITA) баспасөз қызметінің хабарлауынша, 30 шілдеде допингке қарсы жарыстан өткізілген бақылау кезінде Файзадтың сынамасынан тыйым салынған стероид станозолол метаболиттері табылған.

Спортшы жарыстан уақытша шеттетілді және спорттық арбитраждық сотқа (CAS) тоқтата тұру туралы шешімге шағымдануға құқығы бар, сонымен қатар B үлгісін талдауды талап ете алады.

Олимпиаданың 1/16 финалында 81 келіге дейінгі салмақта Файзад аустриялық Вахид Борчашвилиден жеңіліп қалды.