Париж Олимпиадасы: Кирилл Герасименко ширек финалға өте алмады

Париж Олимпиадасында үстел теннисінен сынға түскен жалғыз қазақстандық спортшы Кирилл Герасименко ширек финалға өте алмады, деп хабарлайды Prosports.kz тілшісі Nur.kz сайтына сілтеме жасап.

Кирилл Герасименко 1/8 финалда Мысыр өкілі Омар Ассармен кездесті. Бұл ойында қазақстандық спортшы 4:2 (8:11, 6:11, 12:10, 12:10, 11:9, 11:3) есебімен жеңіліп қалды.

Айта кетейік, Кирилл Париж Олимпиадасындағы алғашқы ойынында Чили елінің өкілі Николас Бургоспен шеберлік байқасып, 4 сетте де (11:4, 11:5, 12:10, 11:6) басым түскен еді. Кейін ол 1/16 финалда германиялық теннисші Данк Кьюға қарсы ойнап, 4:3 (6:11, 11:6, 13:11, 5:11,11:5,11:9) есебімен жеңген болатын.

Кирилл Герасименко үшінші рет Олимпиадаға қатысты. Ол Риода алғашқы айналымнан сүрінсе, Токиода үшінші кезеңде жеңіліп қалған.