«Тобыл» Қазақстан жастар құрамасының қақпашысына көз тікті
Қазақстан жастар құрамасының қақпашысы Әлішер Сүлеймен «Тобылға» ауысуға жақын, деп хабарлайды Prosports.kz.
Қостанай клубының басшылығы Сүлейменмен келіссөз жүргізді. Жас қақпашы мансабын «Тобылда » жалғастыруға қарсы емес.
Енді «Тобылдың» басшылығы Әлішер ойнайтын «Жеңістің» басшылығымен келіссөз жүргізуі керек.
Биылғы маусымда Сүлеймен елордалық клубтың негізгі құрамы сапында алаңға шықпаса да, екінші лигада «Жеңіс» жастар құрамасы сапында 9 кездесу өткізіп үлгерді.
Қақпашы Қазақстан жастар құрамасына да шақырылып жүр, бірақ әлі ұлттық құрама жейдесінде бірде-бір ойын өткізген жоқ.