«Тұран» мәскеулік «Спартак» түлегімен келісімшартқа отыруы мүмкін

Түркістандық «Тұран» командасы ресейлік қорғаушы Иван Хомухамен келісімшартқа отырады, деп хабарлайды Prosports.kz сайты Meta-ratings.kz-ге сілтеме жасап.

Хомуха кәсіби мансабын Мәскеудің «Спартак» клубында бастады, сол жерден Ресей жастар құрамасына шақырылды. Кейінірек «Қызыл-ақ» командасында орын таппай, Хомуха «СКА-Хабаровск», «Енисей», «Волгар», «Чайка», «КАМАЗ» және «Кубань» командаларында ойнады. Осы жылдың 1 шілдесінен бастап Хомуха еркін агент.

Айта кетейік, бұған дейін «Тұран» командасынан ганалық-тәжікстандық қорғаушы Дэвид Мавутор кеткен болатын.