Елдос Сайдалин: Қандай қарсылас болса да, жұдырықтасуға дайынбыз
![Елдос Сайдалин: Қандай қарсылас болса да, жұдырықтасуға дайынбыз](https://prosports.kz/upload/news/content//202407/201131_b9bad66cfa7c61a591c5a926b91b8b27.png?v=28701374)
Бокстан Қазақстан әйелдер командасының бас бапкері Елдос Сайдалин жеребе қорытындысына қатысты пікірімен бөлісті, деп жазады Olympic.kz.
«Жеребе тартылып алғашқы қарсыластарымыз анықталды. Нәтижесін өздеріңіз көрдіңіздер. Бұл – Олимпиада, ешқашан осал қарсылас болмайды. Олимпиадаға бокстасамыз деп келдік. Жеребе жеңіл түссе де, ауыр түссе де ешкімнен қашып құтыла алмаймыз. Сол үшін кіммен болса да қарсыласуға дайынбыз», - деді бас бапкер.
Сонымен қатар, Сайдалин шәкірттерінің мүмкіндігі туралы да айта кетті.
«50 мен 57 келі салмақта 22 боксшыдан болса, 75 келі салмақта 16 боксшы қыз жұдырықтасады. Осыдан-ақ, кімге қандай мүмкіндік барын бағамдай беруге болады. Жалпы, бізге ешқашан босаңсуға, шаршы алаңда қателесуге болмайды», - деді бас бапкер.