ПСЖ «Ренннің» 19 жастағы вингерін сатып алғысы келеді

ПСЖ «Ренннің» 19 жастағы вингері Дезире Дуэге қызығушылық танытып отыр, деп хабарлайды Prosports.kz.

Флориан Платтенберг ақпараты бойынша, клуб иесі Насер Аль-Хелайфи мен спорт директоры Луис Кампос француз футболшысымен кездескен. ПСЖ футболшыны осы жаздағы басты трансферлік мақсат ретінде санайды.

Дуэге сондай-ақ «Бавария» қызығушылық танытып отыр, олар ойыншы үшін 55 миллион еуро ұсынған, ал «Ренн» 60 миллион еуро талап етіп отыр.

Ойыншының клубпен келісімшарты 2026 жылдың жазына дейін есептелген. Transfermarkt ойыншыны 30 миллион еуроға бағалап отыр.