Қазақстандық боксшы Ресейде жекпе-жек өткізеді
![Қазақстандық боксшы Ресейде жекпе-жек өткізеді](https://prosports.kz/upload/news/content//202407/201736_3563769ea5caa40633b5d648dc698b37.webp?v=1721708101688?v=28695809)
Қазақстандық кәсіпқой боксшы Али «Танк» Балоев 24 шілде күні Мәскеуде өтетін «Hardcore Boxing» турнирінде ресейлік ауыр салмақтағы Виталий Кудуховқа қарсы жекпе-жек өткізеді, деп хабарлайды Prosports.kz.
Али Балоев (13-1-1, 8КО) кейінгі рет рингке өткен жылдың қыркүйек айында шыққан болатын. Ол жекпе-жекте франциялық боксшы Сирил Макиадиді (15-4-2, 6КО) ұпай санымен жеңіп, бірінші ауыр салмақта WBO Global титулын жеңіп алды.
Виталий Кудухов кәсіпқой рингте 7 жекпе-жек өткізіп, 6 жеңіске жетіп, бір рет жеңіліске ұшыраған. Кейінгі жекпе-жегін 2023 жылдың наурызында отандасы Басир Абакаровтан төрешілер шешімімен ұтылып қалды.