Жәнібек Әлімханұлы титулынан айырыла ма: өтпей қалған жекпе-жектен кейінгі болашағы қандай болмақ
Бокс шолушысы және инсайдер Буг Уильямс WBO/IBF тұжырымдары бойынша орта салмақтағы әлем чемпионы қазақстандық Жәнібек Әлімханұлының жаңазеландиялық боксшы Андрей Михайловичпен жекпе-жегі өтпей қалғаннан кейін, титулдарынан неге айырылмағанын түсіндірді.
Әлімханұлы мен Михайлович 14 шілдеде Лас-Вегаста жекпе-жекке шығуы тиіс еді, бірақ Жәнібек жекпе-жек қарсаңында салмақ қуу барысында қатты әлсіреп, ауруханаға түскен. Осыдан кейін қарсылас тарап «Қазақ стилін» белдігінен айырып, Жәнібектен тартып алынған бос титулды иемденуге тырысатынын мәлімдеді.
— IBF/WBO-ның Жәнібекті атағынан айырмауының немесе жоғары санатқа өтуге мәжбүрлеуінің себептері бар ма?
«Бұл жерде медициналық себептер бойынша босатылып отыр. Сонымен қатар, ол ресми түрде салмақ өлшеу рәсімінен өткен жоқ, сондықтан олар оны титулдарынан айыра алмайды. Ол спорттық жолын жалғастырмас бұрын орта салмақта болу үшін медициналық тексеруден өтуі тиіс», — деп жауап берді Уильямс.
Айта кетейік, Жәнібек Әлімханұлы ауруханаға түскеннен кейін алдағы уақытта да орта дивизиондағы жарысты жалғастыруға ниетті екенін мәлімдеген болатын. Оның менеджері Эгис Климас боксшының енді диетолог жалдап, салмақ жоғалтуға жауапкершілікпен қарайтынын қоса айтты.
