Евсеев пен Скатов Бостадтағы турнирдің екінші кезеңіне өтті

Іріктеуден өткен қазақстандықтар Денис Евсеев пен Тимофей Скатов Швецияның Бостад қаласында өтіп жатқан ATP 250 турнирінің негізгі кезеңін бастады, деп хабарлайды Prosports.kz.

Тимофей әлемнің 90-шы жапондық Таро Даниэльді үш сетте 6:7, 6:2, 7:6 есебімен ұтты. Келесі айналымда Скатов турнирде үшінші нөмірмен ойнап жатқан голландиялық Таллон Грикспурға қарсы ойнайды.

Денис француз Александр Мюллерді екі сетте 7:5, 7:5 есебімен ұтып, мансабында алғаш рет ATP турнирінің екінші айналымына шықты. 1/8 финалда Евсеев испаниялық Роберто Карбалес Баенамен (АТР рейтингінде 54) ойнайды.