Роналду мен «Аль-Наср» келісімшарт мерзімін ұзарту туралы келіссөздерді бастады

«Аль-Наср» шабуылшы Криштиану Роналдумен келісімшарт мерзімін 2026 жылға дейін ұзарту туралы келіссөздер жүргізе бастады, деп хабарлайды Prosports.kz.

Бұл туралы журналист Бен Джейкобс хабарлайды.

Дереккөздің хабарлауынша, 39 жастағы португалиялық жаңа келісімшарт жасауға асықпайды, бірақ Еуропаға оралуды немесе басқа клубқа ауысуды көздемейді.

Сондай-ақ Роналдудың жалақысы көтеріледі деп күтілуде. «Аль-Наср» португалиялықтың 2026 жылғы әлем чемпионаты басталғанша өз құрамында ойнағанын қалайды. Роналдудың қатысуы 2025 жылы ТВ-келісімшартты қайта қарау контекстінде де маңызды.

Роналдудың "Аль-Насрмен" қазіргі келісімшарт мерзімі 2025 жылдың жазына дейін.

Өткен маусымда ол барлық турнирлерде 45 матчқа қатысып, 44 гол соғып, 13 нәтижелі пас берді.