Қазақстандық боксшы карьерасы туралы маңызды мәлімдеме жасады

Танымал қазақстандық боксшы Абылайхан Жүсіпов әуесқой боксқа оралатынын мәлімдеді, деп хабарлайды Prosports.kz.

«Мен, Абылайхан Жүсіпов, Олимпиада ойындарынан кейін екі жыл бойы кәсіпқой бокста тәжірибе жинақтадым және Бокс федерациясы мен Қарағанды ​​облысы спорт басқармасының шақыртуымен және қолдауымен әуесқой боксқа ораламын. Өз тәжірибеммен туған жерім – Қарағандының өсіп келе жатқан боксшыларына үлгі болып, алға ұмтылуға шақырамын деп ойлаймын. Қарағанды ​​облысынан Олимпиада ойындарының көптеген қатысушысы мен чемпионы шығатынына сенімдімін. Қарсыластар, дайындалыңдар, мен өзімді көрсетуге дайынмын», – деп жазды Абылайхан әлеуметтік желіде.

Еске салайық, Жүсіпов әлем чемпионатының үш дүркін қола жүлдегері (2017, 2019, 2021 жылдары) атанған еді.

Кәсіпқой рингте боксшы төрт жекпе-жек өткізіп, бәрінде жеңіске жеткен. Оның үшеуінде қарсыластарын нокаутқа түсірген болатын.