Түркия президенті УЕФА Демиралға қатысты жазаны жариялағаннан кейін мәлімдеме жасады

Түркия президенті Реджеп Тайип Ердоған УЕФА Түркия ұлттық құрамасының қорғаушысы Мерих Демиралды жазалау туралы хабарламасынан кейін мәлімдеме жасады, деп хабарлайды Prosports.kz.

Футболшы Еуропа чемпионатының 1/8 финалындағы Австрия құрамасына қарсы кездесуде (2:1) ишарат жасағаны үшін екі матчқа шеттетілген болатын.

«Біздің Сыртқы істер министрлігі Германия шенеуніктерін министрлікке шақырды. Қазіргі уақытта қажетті шаралар қабылданып жатыр», - деп келтіреді Ердоғанның сөзін түрік журналисі Ягыз Сабунчуоглу.

Естеріңізге сала кетейік, оқиға Еуро-2024 1/8 финалының Австрия мен Түркия құрамалары арасындағы ойын кезінде (1:2) болған. Бұл матчта Демирал дубль жасады. Голды тойлау кезінде футболшы түрік ұлтшылдарының ишаратын жасаған болатын.