Шайбалы хоккейден Қазақстан кубогы қайда өтетіні белгілі болды
![Шайбалы хоккейден Қазақстан кубогы қайда өтетіні белгілі болды](https://prosports.kz/upload/news/content//202407/201131_76bbfc39f84fd32cfeb85cf0a14a4e61.webp?v=28685961)
Шайбалы хоккейден Қазақстан кубогының өтетін мерзімі мен орны белгілі болды.
Биыл аталған турнирге 11 клуб қатысады. Олар өткен маусымдағы рейтинг бойынша екі топқа бөлінген.
А тобының ойындары Өскемен қаласында өтеді. Бұл топта қазірге ел чемпионы көкшетаулық «Оқжетпес», «Ақтөбе», өскемендік «Торпедо», атыраулық «Бейбарыс», петропавлдық «Құлагер» және «Алматы» командалары сынға түседі.
Ал В тобында астаналық «Номад», қарағандылық «Сарыарқа», соңғы кубок иегері өзбекстандық «Хумо», рудныйлық «Горняк», павлодарлық «Ертіс» шеберлік байқасады.
Алдын-ала іріктеу кезеңі 22-28 тамыз аралығында өткізіледі. Одан кейін жартылай финалда әрбір топтың жеңімпазы келесі топтың екінші орын алған клубымен кездеседі.
Финалдық ойын 31 тамыз бен 1 қыркүйекте Өскемен қаласында болады.