Қазақстанда алғаш рет Халықаралық Биатлоншылар Одағының курсы өтеді
![Қазақстанда алғаш рет Халықаралық Биатлоншылар Одағының курсы өтеді](https://prosports.kz/upload/news/content//202407/203991_726aae3a4817260e24fd2fac1c86b8c2.jpg?v=28687292)
Қазақстанда алғаш рет жас жаттықтырушыларға арналған Халықаралық Биатлоншылар Одағының курсы өтеді, деп жазады Olympic.kz.
7-12 шілде аралығында Щучинсктегі Қысқы спорт түрлері бойынша Олимпиадалық даярлау орталығының базасында Халықаралық Биатлоншылар Одағының жас жаттықтырушыларға арналған курсы өтеді.
Іс-шараға 20-ға жуық қазақстандық жас жаттықтырушылар, сондай-ақ Грузия мен Қырғызстаннан келген мамандар қатысады.
Германия, Австрия және Норвегиядан келген үздік лекторлар өз білімдерімен бөлісіп, құнды тәжірибелерімен алмасады.
Айта кетелік, әлемдік федерация ұйымдастыратын курс Қазақстанда тұңғыш рет өтеді.