«Реал Мадрид» қақпашысын трансферге қоюы мүмкін

«Реал Мадрид» қақпашы Андрей Лунинді трансферге қоюы мүмкін, деп хабарлайды Prosports.kz.

Defensa Central мәліметінше, егер украиналық қақпашы 30 маусымға дейін келісімшартты ұзарту туралы шешім қабылдамаса, мадридтік команда мұндай шешім қабылдауы мүмкін. «Реал Мадрид» Лунинмен келісімшартты ұзартуға дайын, бірақ қақпашы әлі жауап берген жоқ.

2023/24 маусымында Андрей Лунин «Реал Мадрид» сапында 31 матчта 32 гол жіберіп, 12 құрғақ матч өткізді.