Әліптің клубы талантты қақпашыны қатарына қосты
![Әліптің клубы талантты қақпашыны қатарына қосты](https://prosports.kz/upload/news/content//202406/203991_35d8d9aa9d2cd6f5c5bed64ff8681159.webp?v=28656245)
«Балтика» қақпашысы Евгений Латышонок «Зенитке» ауысты, деп хабарлайды Prosports.kz сайты.
25 жастағы ойыншы Петербургтік клубпен «4+1» бойынша келісімшартқа отырды.
«Зенит» қақпашыны Санкт-Петербургте қарсы алып, команда сапында жаңа белестерді бағындыруын тілейді! Қош келдіңіз!» – делінген клуб жазған мәлімдемеде.
Латышонок «Балтика» сапында 2019 жылдың жазынан бері ойнап келеді. Өткен маусымда ол калининградтықтардың сапында барлық турнирлерде 34 матч өткізіп, 44 гол жіберіп алды.
«Балтика» 2023/24 маусымында РПЛ-да соңғы орынға ие болды және плей-офф қорытындысы бойынша бірінші лигаға түсіп қалды. «Зенит» қатарынан алтыншы рет Ресей чемпионы атанды.
Естеріңізге сала кетейік, Қазақстан құрамасының қорғаушысы Нұралы Әліп «Зенит» сапында өнер көрсетеді.