Еркін Тапалов Әзербайжанға қарсы матчқа қатыспайды

«Тобыл» мен Қазақстан құрамасының қорғаушысы Еркін Тапалов жарақатына байланысты Әзербайжанға қарсы жолдастық кездесуге қатыса алмайды, деп хабарлайды Prosports.kz сайты Sport Plus Qazaqstan-ға сілтеме жасап.

Футболшы Арменияға қарсы жолдастық ойында жарақат алды. Тапалов Әзербайжанмен ойын алдындағы жаттығуға қатысқан жоқ.

Айта кетейік, Әзербайжан – Қазақстан кездесуі 11 маусым күні Қазақстан уақыты бойынша сағат 19:00-де Венгрияның Сомбатхей қаласында өтеді.