Қазақстан құрамасының капитаны Ресей суперкубогын жеңіп алды

Мәскеулік ЦСКА футболшылары әйелдер футболынан Ресей суперкубогы үшін өткен матчта Петербургтің «Зенитін» ұтты, деп хабарлайды Prosports.kz.

Жалғыз гол финалдық ысқырық естілуге 10 минут қалғанда соғылды – ЦСКАшабуылшысы Дарья Яковлева гол соқты. Қорытынды есеп 1:0. Қазақстан құрамасының капитаны Юлия Мясникова негізгі құрамда ойнады.

ЦСКА алғаш рет Ресей суперкубогын жеңіп алды - бұған дейін мәскеуліктер кубок үшін өткен матчтарда қатарынан үш рет жеңіліп қалған еді.