Қазақстандық жас теннисші «Ролан Гарростың» жұптық сынын сәтті бастады
![Қазақстандық жас теннисші «Ролан Гарростың» жұптық сынын сәтті бастады](https://prosports.kz/upload/news/content//202406/201736_9c50c13c1c7916da21b762348c2b4f14.webp?v=1717474411429?v=28686756)
17 жастағы қазақстандық Әмір Омарханов ресейлік теннисші Тимофей Дерепаскомен бірге «Ролан Гарростың» жасөспірімдер арасындағы жұптық сынын сәтті бастады, деп хабарлайды Prosports.kz.
Бірінші айналымда Омарханов пен Дерепаско франциялық теннисшілер Пьер-Антуан Фото және Даниэль Жадемен кездесіп, оларды екі сетте – 7:6, 6:2 есебімен жеңді.
1/8 финалда қазақстандық теннисші серіктесімен Шарли Камю (Франция)/Хейден Джонс (Аустралия) жұбына қарсы шығады.
Кездесу 5 маусымда өтеді.
Айта кетейік, Әмір Омарханов ITF жасөспірімдер рейтингінде 16-орында. 17 жастағы теннисшінің ATP турында әлі рейтингі жоқ.