Александр Недовесов «Ролан Гарростың» екінші айналымына жолдама алды
![Александр Недовесов «Ролан Гарростың» екінші айналымына жолдама алды](https://prosports.kz/upload/news/content//202405/472_e173f08755e646b13c9dfa14997fd0a7.jpg?v=28686625)
Қазақстанның жұптық сындағы бірінші, әлемнің 40-ракеткасы Александр Недовесов Франция ашық чемпионатының екінші айналымына шықты, деп хабарлайды Prosports.kz тілшісі ҚазАқпаратқа сілтеме жасап.
Қазақстандық теннисші эквадорлық Гонсало Эскобармен бірге бастапқы кездесуін испаниялықтар Пабло Карреньо-Буста – Серхио Мартос Горнеспен өткізді. Недовесов пен Эскобар тартысты матчта 7:6 (7:3), 6:4 есебімен басым түсті.
Екі сағат 10 минутқа созылған бәсеке барысында олар 1 эйспен 10 брейк-пойнттың төртеуін пайдаланды. Испаниялық дуэт 3 брейктен (13 брейк-пойнт) аса алмады.
Александр Недовесов – Гонсало Эскобар 1/8 финалға шығу үшін жарыстың 3-ракеткалары, америкалық Раджив Рам – ұлыбританиялық Джо Солсберимен таласады.