Қазақстандық каратэшілер Орталық Азия чемпионатында үздік атанды

Қазақстандық каратэшілер Орталық Азия чемпионатында үздік атанды, деп хабарлайды Prosports.kz тілшісі Спортты дамыту дирекциясының баспасөз қызметіне сілтеме жасап.

4-6 мамыр күндері Самарқанд қаласында (Өзбекстан) WKF каратэден IX Орталық Азия чемпионаты өтті. Байрақты бәсекеге 6 елден 1000-нан астам спортшы қатысты.

Додада 10 жастан бастап ересектерге дейін ката және кумитэден жүлделер сарапқа салынды.

Чемпионаттың қорытындысы бойынша Қазақстан құрамасы жалпыкомандалық есепте 1-орын алды.

1. Қазақстан алтын - 39, күміс - 30, қола - 47
2. Өзбекстан алтын - 22, күміс - 29, қола - 58
3. Түрікменстан алтын - 6, күміс - 7, қола - 20
4. Қырғызстан алтын - 4, күміс - 2, қола - 8
5. Иран алтын - 3, күміс - 3, қола - 6
6. Тәжікстан - алтын - 0, күміс -1, қола - 0