Токиода Данилина мен Құламбаева әлемдегі мықты жұптардың бірін жеңді
Токио қаласында Билли Джин Кинг кубогының Қазақстан мен Жапония арасындағы іріктеу матчы мәресіне жетті, деп хабарлайды ҚазАқпарат.
Кортта жұптық сында Анна Данилина - Жібек Құламбаева әлемнің 20-ракеткалары Сюко Аояма - Эна Сибахарамен сынға түсті.
Бірінші партияда қазақстандық жұп тай-брейкте басымдылық танытты - 7:6 (9:7).
Екіншісінде жапониялықтар есе қайырды - 6:3.
Фото: ҚТФ
Супер тай-брейкте Құламбаева - Данилина жеңіст жұлып алды - 11:9.
Екі сағатқа жуық уақытқа созылған тартысты бәсекеде қазақстандықтар 2 эйспен бірге 8 брейк-пойнттың үшеуін пайдаланды. Жапониялық дуэт 3 эйс, 5 брейкпен (8 брейк-пойнт) көзге түсті.
Осылайша, қорытынды есеп - 3:1, Жапония құрамасы финалдық кезеңге жолдама алды.
Фото: ҚТФ
Қазақстан командасы қараша айында Билли Джин Кинг кубогінің плей-офф кезеңінде бақ сынайды.
