Қазақстандық теннисші Тунистегі турнирді сәтті бастады

Қазақстандық теннисші Татьяна Николенко Хаммаметте (Тунис) өтіп жатқан ITF турнирінде жұптық сында дебюттік кездесуін өткізді, деп хабарлайды Prosports.kz.

Бельгиялық теннисші Саат Коппеспен бірге Қазақстан спортшысы неміс-американдық дуэт Антония Шмидт – Габриэла Виларға қарсы ойнап, екі сетте 6:2, 6:4 есебімен жеңіске жетті.

Бұл ойын Тунис турнирінің 1/8 финалында өтті.

Айта кетейік, қазақстандық спортшы қазір WTA (Әйелдер теннис қауымдастығы) рейтингінде жұптық сайыста 1130-орында тұр.