Қазақстан Ливанда өткен халықаралық турнирде екі медаль жеңіп алды

Бейрутта (Ливан) үстел теннисінен WTT Youth Contender халықаралық турнирі аяқталды. Соңғы күні Қазақстан құрамасы екі медаль жеңіп алды, деп хабарлайды Prosports.kz.

19 жасқа дейінгі жас санатында Алан Құрманғалиев алтын жүлдеге ие болды. Қыздар арасында Жанерке Қошқымбаева үшінші орын алды.

Айта кетейік, бұған дейін Құрманғалиев 17 жасқа дейінгі спортшылар арасындағы жарыста бірінші болып келген болатын.

Жанерке Қошқымбаева мен Арнұр Оралханов, Нұрислам Қасым, Нұрдәулет Азаматұлы үшінші болды.