UFC басшысы МакГрегордың келесі жекпе-жегіне қатысты мәлімдеме жасады

UFC басшысы Дана Уайт Конор МакГрегормен келесі жекпе-жекке қатысты келіссөздер туралы айтты. Конор бұған дейін осы жазда октагонға оралатынын мәлімдеген, деп хабарлайды Prosports.kz тілшісі Sport24 сайтына сілтеме жасап.

«Арамызда түсініспеушілік болған жоқ. Байланыстың жетіспеушілігі де жоқ. Конор қазір қайда? Ол Нью-Йоркте, фильмінің премьерасына барды. Оның жарнамалық міндеттемелері бар және бүкіл әлем бойынша ұшады. Ол бір мезгілде бәрін жасай алмайды. Фильм шыққан кезде ол жаттығу залына оралып, толыққанды жаттығуға кіріседі.

МакГрегор өзінің жақсы бизнесмен екенін дәлелдеп жатыр. Ал аптаның соңында Конормен болашақ жекпе-жекті талқылай аламыз. Оның болашағына келсек... Көп ақша тапқанда бұрынғыдай болу өте қиын. Ал Конордың тапқаны сонша, ол яхтасында айлап тұрады», - деді Уайт Камара Усман мен Генри Сехудомен болған подкастта.