Петр Ян UFC-мен келісімшартын ұзартудан бас тартты
![Петр Ян UFC-мен келісімшартын ұзартудан бас тартты](https://prosports.kz/upload/news/content//202403/472_8239c2357dcb51332abd30a0cd6cdac2.jpeg?v=28686630)
Танымал ресейлік файтер Петр Ян UFC промоушенімен жаңа келісімшарт жасасудан бас тартты, деп хабарлайды Prosports.kz.
«Петрге алты жекпе-жекке есептелген жаңа келісімшарт ұсынылды. Бірақ ұсыныс біздің ойымыздан шықпады. Бұл келісімшартқа қол қоймау туралы шешім қабылданды», - деп келтіреді Янның командасының сөзін ТАСС.
Еске салайық, UFC 299 турниріндегі кейінгі жекпе-жегінде Ян қытайлық Сонг Ядонгпен кездескен болатын. Турнир Мәскеу уақытымен 10 наурызға қараған түні Майамиде (АҚШ) өтті.
Басты кардтың алғышқы жекпе-жегінде Ян төрешілердің бірауыздан қабылдаған шешімімен жеңіске жетті. Осы жеңістен кейін Янның кәсіби карьерасында бес жеңіліс, 17 жеңіс бар. Ядонгпен жекпе-жекке дейін Петр қатарынан үш рет жеңіліп қалған еді.