«Наполи» жартылай қорғаушысымен келісімшартты ұзартқысы келеді
«Наполи» жартылай қорғаушысы Хвича Кварацхелиямен келісімшартты ұзартқысы келеді, деп хабарлайды Prosports.kz.
Инсайдер Николо Скираның ақпараты бойынша, клуб грузин футболшысына 2029 жылдың жазына дейін келісім ұсынуға дайын. Олар сондай-ақ ойыншының жалақысын жылына 4 миллион еуроға және 1 миллион еуро көлеміндегі бонустарға дейін көтеруге дайын.
Кварацхелияның қазіргі келісімшарты 2027 жылдың жазына дейін есептелген. Осы маусымда 23 жастағы жартылай қорғаушы «Наполи» сапында 37 матч өткізіп, 10 гол соғып, 6 нәтижелі пас берді. Transfermarkt порталы футболшыны 80 миллион еуроға бағалап отыр.
