«Бірінші таймда жақсы ойнадық». Түркіменстан құрамасының ойыншысы Қазақстанға қарсы жабық матч туралы

«Ахал» сапында ойнап жүрген Түркіменстан құрамасының қорғаушысы Ата Гелдыев Prosports.kz тілшісіне БАӘ-де Қазақстан құрамасына қарсы өткен жабық жолдастық ойын туралы пікір білдірді.

«Бірінші таймда жақсы ойнадық, бірінші допты бақылауда ұстадық, сіздікілер қарсы шабуылға шықты. Әрине, сіз физикалық тұрғыдан ірі, сондықтан алыс пас беру арқылы ойнады. Екінші таймда ойын ашық болды.

Гректердің қандай екенін білмегендіктен, Қазақстан құрамасының мүмкіндігі қандай екенін айта алмаймын. Бірақ сәттілік тілеймін!», – деді түркімен футболшысы.

Дубайда жабық түрде өткен кездесуде Магомед Адиев шәкірттері 14 наурыз күні Түркіменстан құрамасын 2:0 есебімен жеңді. Голды Ислам Чесноков пен Александр Зуев соқты.

22 наурызға қараған түні Қазақстан УЕФА Ұлттар лигасының жартылай финалында ЕУРО-2024-ке жолдама үшін күресте Грекия құрамасына қарсы ойнайды.