«Қазақ халқының алдында үш раунд күрестім». Алматыдағы реваншта жеңіліп қалған файтер пікір білдірді
![«Қазақ халқының алдында үш раунд күрестім». Алматыдағы реваншта жеңіліп қалған файтер пікір білдірді](https://prosports.kz/upload/news/content//202403/472_bb6e5a375f7d469bcee053665650576d.webp?v=28686394)
Еуразиялық аралас жекпе-жек лигасының Instagram желісіндегі ресми парақшасында OCTAGON 56 турнирінде қазақстандық танымал актер Еркебұлан Тоқтардан (7-3) жеңіліп қалған өзбекстандық файтер Одилхон Камоловтың (4-3) мәлімдемесі жарияланды, деп жазады Prosports.kz
«1-1. Ішім ауырып тұрып қазақ халқының алдында үш раунд күрестім. Үшінші шайқаста басқа Одилхонды көруді Алла нәсіп етсін. Қолдау білдіріп, алаңдағандардың бәріне рақмет», — деді өзбекстандық файтер.
Естеріңізге сала кетейік, Тоқтар Камоловпен реваншта төрешілердің бірауыздан қабылдаған шешімімен басым түскен болатын. 2022 жылы жазда OCTAGON 33 турниріндегі алғашқы жекпе-жекте өзбекстандық спортшы мерзімінен бұрын жеңіске жеткен еді.
Төменде Тоқтар мен Камолов арасындағы екінші жекпе-жектің толық видеосын көре аласыздар:
Айта кетейік, 19 сәуірде Алматыда OCTAGON 57 турнирі өтеді, онда Дамир Төленов, Сүндет Айтқұл, Аян Тұрсын және т.б. спортшылар өнер көрсетеді.
Турнирдің бас серіктесі - UNDERDOG спорт агенттігі