Қазақстандық теннисші Бразилиядағы турнирде жеңіске жетті
![Қазақстандық теннисші Бразилиядағы турнирде жеңіске жетті](https://prosports.kz/upload/news/content//202403/201736_b4aca72880d0068192fe520de73ce717.webp?v=28686393)
Қазақстандық теннисші Дмитрий Попко мен бразилиялық Дутра Да Силва Ресифиде (Бразилия) теннистен ITF M25 турнирінің жеңімпазы атанды, деп хабарлайды Prosports.kz.
Финалдық кездесуде қазақстандық-бразилиялық жұп бразилиялық жұптар – Луис Бритто мен Сараива Дос Сантосты 6:3, 6:4 есебімен ұтты.
Жекелей сында Дмитрий рекордтық сериясын ұзарта алмай, қатарынан 24-жеңісіне қол жеткізді. Тартысты өткен кездесуде қазақстандық теннисші аргентиналық Хуан Пабло Фиковичтен 4:6, 7:6, 3:6 есебімен ұтылды.
Попко бұған дейін АҚШ-та ITF бойынша үш турнирде қатарынан жеңіске жетіп, Аргентинадағы турнирдің финалына шыққан болатын, онда ауа райының қолайсыздығына байланысты шешуші кездесу өткізілмей, ұйымдастырушылар жүлде мен рейтинг ұпайларын финалистер арасында бөлісті.