Қазақстандық шахматшы Мәскеудегі турнирде бірінші орын алды

Қазақстандық шахматшы Бибісара Асаубаева «Аэрофлот Опен – 2024» фестивалінде бірінші орын алды, деп хабарлайды Prosports.kz.

Турнирде Асаубаевадан басқа қазақстандық Қазбек Нөгербек (18-орын), Даниал Сапенов (21-орын), Рамазан Жалмаханов (38-орын) және Әлішер Сүлейменов (65-орын) өнер көрсетті.

Айта кетейік, Мәскеуде өткен фестивальге 500-ден астам шахматшы қатысты. Жарысқа FIDE рейтингінде 2300-ден жоғары ұпай жинаған шахматшылар қатысуға құқылы болды. Турнирге 15 жасқа дейінгі спортшылар да қатысты.