Қазақстандық футболшы еуропалық клуб сапындағы алғашқы голын соқты
![Қазақстандық футболшы еуропалық клуб сапындағы алғашқы голын соқты](https://prosports.kz/upload/news/content//202403/203991_b107c95f5c306abcc8e963a3eb0e45c2.jpg?v=28686458)
Қазақстандық шабуылшы Данил Анкудинов могилевсктік Днепрдің екінші командасы сапындағы матчта алғашқы голын соқты, деп хабарлайды Prosports.kz.
«Орша» клубына қарсы ойында Анкудинов 34-минутта өз мүмкіндігін пайдаланып, жаңа клубы сапында бірінші голды соқты. Командасы Владимир Костюковты еске алу турнирінде қарсыласын 4:1 есебімен ұтып, жеңіске жетті.
Естеріңізге сала кетейік, қазақстандық ойыншы осы жылдың қаңтар айында Днепрге ауысқан болатын. Анкудиновтың соңғы клубы литвалық «Джюгас» болды. Сондай-ақ Молдованың «Шериф», ресейлік «Родина» және армяндық «Ван» командаларында ойнаған.