Қазақстандық теннисші Мексикадағы турнирдің екінші айналымына шықты
![Қазақстандық теннисші Мексикадағы турнирдің екінші айналымына шықты](https://prosports.kz/upload/news/content//202402/201736_dd6c535cb7bcd356261efae392f87183.jpeg?v=28687109)
Акапулькода ATP-500 турнирі өтіп жатыр, деп хабарлайды Prosports.kz.
Қазақстандық теннисші Александр Недовесов Гонсало Эскобармен (эквадор) бірге, алғашқы кездесуін өткізді.
Бастапқыда Қазақстан-Эквадор жұбы Макс Персел/Джордан Томпсонмен кездесуі керек еді, алайда аустралиялықтар соңғы сәтте турнирден шығып қалды. Олардың орнын жергілікті ойыншылар Эмилиано Агилера/Мануэль Санчес (LL) алды. Недовесов пен Эскобар мексикалықтарды еш қиындықсыз 6:4, 6:4 есебімен ұтты.
Екінші кездесуде (1/4 финал) Александр мен Гонсало Франциядан төртінші орын алған Садио Думбия/Фабьен Ребульмен кездеседі.