«Шахтер» тәжірибелі ойыншымен келісімшартқа отырды

«Шахтер» Қарағанды футбол мектебінің түлегі Дмитрий Бачекпен келісімшартқа отырды, деп хабарлайды Prosports.kz.

Бачек кәсіби мансабын 2018 жылы «Шахтердің» жастар құрамасының мүшесі ретінде бастады. «Шахтер М» сапында ол 42 матч өткізіп, 15 гол соқты, «Шахтер-Булат» сапында 6 кездесу өткізіп, 2 нәтижелі пас берді.

2019 жылы Премьер-Лигада дебют жасап, дебюттік маусымда 6 ойын өткізді.
Айта кетейік, Бачек сонымен қатар «Ақсу», Испанияның «Побленс» және «Антекера», сондай-ақ белорусиялық «Арсенал» командаларында ойнаған.