Ислам Махачевтың келесі үш жекпе-жегі белгілі болды

Ислам Махачевтың жаттықтырушысы Хавьер Мендес жеңіл салмақтағы UFC-нің қазіргі чемпионы белбеу үшін жартылай орта салмақ дәрежесіне өткенге дейін өз атағын тағы екі рет қорғайды деп күтеді, деп хабарлайды Prosports.kz.

«Рамазаннан кейін UFC Madison Square Garden аренасында Ислам үшін жекпе-жек ұйымдастырады деп үміттенемін, өйткені оның АҚШ-та жекпе-жек өткізуі пайдалы болады», - деп келтіреді америкалық маманның сөзін MMAFigting.

«Мен UFC оның оралатынын жақын арада жариялайтынына сенімдімін. Джастин Гэтжи, Чарльз Оливейра және одан кейін жартылай орта салмақтағы титул. Осы жекпе-жектер ұйымдастырылса тамаша болар еді».