Мбаппе Реал Мадридпен келісімшартқа отырды - инсайдер

Француздық "ПСЖ" шабуылшысы Килиан Мбаппе мадридтік "Реалмен" келісімшартқа отырды.

Бұл туралы Marca-ның беделді инсайдері Рамон Альварес де Мун өзінің X (бұрынғы Twitter - еск.) парақшасында хабарлады.

"Ол "Реалмен" келісімшартқа отырды. Іс тәмәм", - деп жазды де Мун.

Еске салайық, 16 ақпанда журналист Фабрицио Романо Мбаппенің ПСЖ президенті Насер Аль-Хелайфиге алдағы жазда, еңбек келісімінің мерзімі біткенде, клубтан кететінін ескерткені туралы ақпаратты бөліскен болатын.